Groeten van Truus

Beste Dorpschriever .

Hou is het ien Spiek mit al dei tunnels en mollengangen onder weg deur? T’is goud dat dokter en domie van vrouger d’r nait onderdeur moesten. Dei haarn ja altied ‘n hoge houd op. ,, nait ideoal’’ . Joen domie het nou mainstied een kleppet op. Kinnen hail nait meer zain aan boetkant of hai nou dominee is of kapper. Kiek bie timmerman kinnen je voak nog wel aan klaier zain. Dei het een daarde buusgat in overal zit’n. Woar zien meetlat en potloot ien hangt . Summigen hem potlood ook wel ains achter oor. Aans ze een sigaret of sigoar op wil’n steken heb ik wel ains zain, dat hai potlood ien mond stak en hai moar trekken aan dat ding. Maor kwam gain rook oet. Dat binn mooie dingen . Dat komt nou nait meer veur. Men zicht er ja teeg’n aan dei’n sigaret op steek’n. Doar komt ja zoveul bie kieken. Most mit dat ding noar boet’n. Weer of gain weer, dat is toch nait gezellig.

Zo nou mout ik nog noar bakker stoet, om halve widde en ‘n roggebrood, lekker stukje noagelkees d’r tussen, mit lekker kop koffie van mien laivert den ken dag nait meer kapot.

moi
de groeten van truus