Doe bis niks en doarom bist nieter
Dom waark, hail dom, Wel wil zuks dom waark nog doun. Gewoon bezigheden therapie. Mesien kent veul gauwer en ook beder, moar ik zeg joe, minsen mot je dom holn, dat stait ien ” Spiekster Biebel”. Doar stoan traauwns wel meer dingen ien dei nait klopn. Hem joe dat verhoaltje wel lezen veurige keer van dörpschriever. Dei man is nait goud bie zien verstand ,, Minne bouln” schreef hai, dei tunnels, moar ik ben blied dat ze dr kom. Kenst straks wel doen op fiets zitn, doe komst nait meer onder auto. Vrouger mot hier ien Spiek ‘n boer woont hemn dei ging op woagn zitn.,, goa moar noar hoes” zee hai teegn peerd en ien pikkeduuster brochde hai zien boas noar hoes. Zo is het ook mit onze tunnels joe loaten je oetvoarn noar beneedn en zain vansulf hou vêr dei komn. Gebeurd hailndaal niks.
Moar kiek oet!! Ien ,, OLDENCATE” binn neie mensen kom te woonn. ,,Beste minsen, hail beste minsen” Lest zag börgmeester van Spiek plestiek ien kerkgracht lign. Hij het dat er oet holt moar om dat waarkploats dicht was en ook nog Zundag het hai soamn mit Loco börgmeester troep op kaant van Kerkgracht legt. Zai hemn nog segoar op stoken dat heurt immers bie zulke hoog geploatste luu. Eevkes loater ging wetholder er laangs dei zaag dat spul lign keek eem ien ‘t ronde of gain ain ‘t zag en het dat bouln op zundag ien voelnis emmer stopt, kindren in verstand en boosheid er waarn ook haile bult takken en van dat widde piepschoem dat was ‘n vies gezicht dat hem mensen oet ‘t loug nait drieven zain aans haarn ze dat dr wel oet hoalt. Dat het dörpsbelangn ook nait zain dei waarn mit vakantie. Nee ain doodgewoone man van spoarbaankweg. Dei het ‘t rommeltje ophemmelt. Bedankt das doe dat doan hest. Moar wel ben dat nou ?
Börgmeester ………….. Loco ………….. Wethölders …………………….
Noamen ien levern veur 27 Oktober 2004 bie redactie.