Doetje geevn
Doetje geevn, woarom mag zai dat wel doun en ik nait. ‘k Haar nooit docht dat ze kwoad wörn sol. Dien vraauw is nait oardig. Kwoad? Hou komst doar wel nait bie, doe waist ja nargens van. Ik betwiefel sulfs of stoe wel waist dat dr twei soorten mensen binnen. Mien moeke het mie vertelt, dat ik oet kieken mout veur vraauw. Dat het dien moeke nait zegt. Zai zee doe most oetkieken noar vraauw. Das moar ain woordje verschil. Joa das woar, moar vertel mie nou den moar Haarm, woarom ik ‘n kwoade vraauw heb. Joa, dat wil ik die wel verteln, mor doe most mie beloovm das dat nait verder vertelst. Oet aindelijk bin ik vief en dartig joar en ik wil nait geern deur Spiek hin. Ik wil gain waterlaiding wörn dat gait ook deur Spiek en elk en ain het zien mond ‘dr vol van. Mien pa dei ongeveer dreidartig joar older is aans ik, dei zee, Haarm jong wils toe gain wichtje hem? Joa’’ zee ik, dat zol ik wel wiln, moar ik durf nait. Ben doar gain bouken veur woar je dat oet leern kenn lezen heb ik oet aindelijk ook leert. Pa zee doar mout ik over noadenken, want bie mie ging dat vansulf. Hou vansulf? Joa kiek dat is nait oet te legn. Vansulf is vansulf en wat vansulf gait, gait vansulf. Dut dat ook zeer ? Nee het dut nait zeer moar kens ter wel last van hem netzo iets aans windje dei vastzit en nait wait welke kant of e ‘dr oet mot, doar kenst ook ja slim last van hemn. Most mor goud kieken noar pa en moeke. Dat heb ik doan. Ik ben ‘dr nait veul wiezer van wörn, moar mit wel zal ik dat oetpebaaiern en zo dounde ben ik bie dien Aaltje trecht komn. .Zai is altied slim oareg tegen mie en dou ik bie joe ien hoes kwam heb ‘k heur doetje geevn. Zai vond dat nait slim en zee klain doetje kinst van mie ook wel kriegen, moar toun ik aarms om heur tou dee; was nait te best en kreegn klap liek ien mien gezicht. Toun pa dat bie moeke dee gebeurde er verder niks en pa zee ook nog het dut nait zeer. Ik ben hailndaal van streek en mond dut mie ‘dr nog zeer van; .MOEKE HET GLIEK!
MOUT OET KIEK VEUR N’ VRAAUW!
Dorpschriever